Bureau Telecommunicatie & Post
  • a
  • a
Skohe idioma

Aplikashon

BT&P ta mantené pa e áreanan di trabou ku ta kai bou di e sektornan ku e ta supervisá e siguiente prosedura di aplikashon stándart pa outorisashon, registrashon pa servisio di kurir, deklarashon ku no tin opheshon, aplikashon di number i grabashon di radio i televishon. E prosedura di aplikashon aki ta enserá e siguiente stapnan básiko:

1

Download i print e formulario di aplikashon

2

Yena e formulario di aplikashon

3
Voorzie het aanvraag formulier van een plakzegel ter waarde van NAF. 10.00

Pega un stampia na balor di NAF. 10.00 riba e formulario di aplikashon

4

Entregá e apèndiksnan kompletá ku ta eksigí i e deklarashonnan obligatorio huntu ku e formulario di aplikashon

5

Entregá e formulario di aplikashon kompletá ku e apèndiksnan i deklarashonnan obligatorio via pòst òf personalmente na BT&P

6

Paga e kompensashon stipulá pa lei

Por haña e stampia serka BT&P i Landsontvanger (Servisio di Impuesto). No por yena ni entregá e formulario di aplikashon digital.
Un formulario di aplikashon ku a entregá ku no ta bon yená òf ku falta informashon ta kore e riesgo ku lo no por honra e aplikashon òf por trese retraso.

Mas informashon relevante tokante aplikashon por lesa aki bou.

Kompensashon

BT&P ta obligá pa kobra e solisitante e gastunan ku nan a hasi pa tur e aktividatnan ku ta relatá na entrega di outorisashon, number, deklarashon ku no tin opheshon òf registrashon pa servisio di kurir. Esaki ta konta tambe pa e gastunan pa tene supervishon di kumplimentu di e obligashonnan ku ta mará na esakinan. E montante di e kompensashonnan aki ta stipulá den e Desishon ministerial, Beschikking vergoedingen telecommunicatievoorzieningen, ku por download aki bou. 

 

Download:

Beschikking vergoedingen telecommunicatievoorzieningen,  P.B. 2008, no. 58

Dokumentonan adishonal i anekso

Tur aplikashon ta eksigí un formulario di aplikashon i tambe e dokumento i deklarashonnan obligatorio kompletá ku mester agregá.

Pa aplikashon ta spesifiká bon kla e informashonnan aki den e formulario di aplikashon konserní pa e solisitante.

Huntu ku bo aplikashon mester entregá konforme e spesifikashonnan e informashon aki. Ta konsehabel kolekshoná tur dokumento i deklarashon ku ta eksigí promé ku sigui yena e formulario. 

Entrega na BT&P

Por entregá personalmente òf manda e formularionan di aplikashon ku e apèndiks kompletá ku ta eksigí i e deklarashon i dokumentonan obligatorio na:

Bureau Telecommunicatie en Post
Bou di menshon di e tópiko di bo aplikashon
Beatrixlaan 9, Emmastad
Willemstad, Kòrsou

Grabashon Radio i Televishon

BT&P ta ofresé komo servisio adishonal e posibilidat pa aplikashon di grabashon via radio i televishon  durante e periodo ku abo ta deseá.

Yena e formulario di aplikashon mas kompletu posibel ku e informashonnan ku bo ta deseá di graba i manda esaki pa BT&P. Por faks esaki na: +(599-9)736-5265  òf via mail na radio-opname@burtel.cw

Por download e formulario pa aplikashon aki bou: 

Formulario di aplikashon pa grabashon via radio i televishon

Pregunta?

Pa pregunta tokante e kontenido di e formulario bo por tuma kontakto ku ofisina di BT&P na 463-1700:


Outorisashon: Departamentu di Pèrmit, Registrashon i Kompensashon, vrv@burtel.cw
Registrashon pa servisio di kurir​: Departamentu di Asuntunan General i Pòst
Number: Departamentu Asuntunan Tékniko
Deklarashon No tin Opheshon pa instalashon PV solar​: Departamentu di Pèrmit, Registrashon i Kompensashon, vvgb@burtel.cw